WORLD SOCIAL WORKER'S DAY

March 19, 2013
March 20, 2012
March 15, 2011

Important Events

Days & Weeks
Years
Decades
Days & Weeks
Years
Decades

Events Calendar

August 2015 September 2015 October 2015
Mo Tu We Th Fr Sa Su
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30

WEBMAIL FOR STAFF

Who's Online

We have 115 guests online

FOLLOW US

News
1 ივნისის აქცია - ერთად დავიცვათ ბავშვთა უფლებები! Print
01.06.2015 13:46
Share

1 ივნისს, ბავშვთა დაცვის საერთაშორისო დღესთან დაკავშირებით, საქართველოს სოციალურ მუშაკთა ასოციაციის მოხალისეთა ინიციატივით ჩატარდა მშვიდობიანი აქცია/მსვლელობა სახელწოდებით - ერთად დავიცვათ ბავშვთა უფლებები!
აქციის მთავარი მიზანი იყო ცნობიერებისა და პასუხისმგებლობის ამაღლება ბავშვთა უფლებებისა და ბავშვთა დაცვის სფეროს მიმართ. მთავარ ამოცანას წარმოადგენდა საზოგადოებისათვის ხმის მიწვდენა, რომ ბავშვები მუდმივად საჭიროებენ ყურადღებას, გაძლიერებასა და დახმარებას გვერდში დგომით.
აქციაზე მყოფთათვის მნიშვნელოვანი იყო მთავრობამ შეიმუშაოს სწორი და საჭირო სტრატეგია ბავშვთა კეთილდღეობის გაუმჯობესებისათვის და განახორციელოს პრაქტიკულად საჭირო აქტივობები. აქციის მონაწილეები ხაზს უსვამენ ბავშვთა თანასწორუფლებიანობას.
მსვლელობაში მონაწილეობა მიიღეს თბილისის ივ. ჯავახიშვილის სახელობის, ილიას სახელმწიფო და ტექნიკური უნივერსიტეტების სტუდენტებმა. ასევე, მხარს უჭერდნენ ამერიკული ფეხბურთის ფედერაციისა და არასამთავრობო „იდენტობას“ წარმომადგენლებიც.
შეგახსენებთ, რომ ბავშვთა დაცვის საერთაშორისო დღეს საფუძველი ჯერ კიდევ 1925 წელს, „ბავშვთა კეთილდღეობის შესახებ“ ჟენევის მსოფლიო კონფერენციაზე ჩაეყარა, ხოლო 1950 წლიდან ეს დღე მსოფლიო მასშტაბით აღინიშნება. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა-განვითარებისათვის.

 
ტრენინგი „ველდ ვიჟენ საქართველო“–ს ბავშვთა განვითარების მუშაკებისთვის Print
15.05.2015 13:20
Share

9, 10 და 11 მაისს ორგანიზაცია „ველდ ვიჟენ საქართველო“–ს ბავშვთა განვითარების მუშაკებს ჩაუტარდათ ტრენინგი ბავშვთა განვითარებისა და შეფასების საკითხებზე. ტრენინგი განხორციელდა საქართველოს სოციალურ მუშაკთა ასოციაციის მიერ და უძღვებოდა ასოციაციის წარმომადგენელი ნელი აკობია. 
ტრენინგი ეხებოდა ბავშვის უფლებათა კონვენციის ძირითად პრინციპებს და დაკისრებული ვალდებულებებს;  კონვენციის პრინციპების რეალობაში გატარებასთან დაკავშირებული სირთულეებს; ბავშვის განვითარების საკითხებს და თავისებურებებს.
ტრენინგის ფარგლებში, ასევე, მოწვეული იყო პედიატრი, ირაკლი ბეგოიძე, რომელმაც ისაუბრა ბავშვის ჯანმრთელობის საჭიროებებზე.
ტრენინგი განხორციელდა „ველდ ვიჟენ საქართველო“–ს ფინანსური მხარდაჭერით.

 
ტრენინგი თემაზე “ძალადობის იურიდიული ასპექტები“ Print
10.05.2015 14:24
Share

7 და 8 მაისს სოციალური მომსახურების სააგენტოს უფროს სოციალურ მუშაკებსა და იურისტებს  საქართველოს სოციალურ მუშაკთა ასოციაციამ ჩაუტარა  ტრენინგი, თემაზე – “ძალადობის იურიდიული ასპექტები“. ტრენინგი განხორციელდება სოციალური მომსახურების სააგენტოს ვაკე–საბურთალოს რაიონულ ცენტრში. ტრენინგს უძღვებოდნენ არასამთავრობო ორგანიზაციის „პარტნიორობა ადამიანის უფლებებისთვის წარმომადგენლები: ანა აბაშიძე და ანა არგანაშვილი.
ტრენინგი ეხებოდა  ძალადობის იურიდიულ და პრაქტიკულ ასპექტებს, უფრო კონკრეტულად კი განხილულ იქნა შემდეგი თემები: ბავშვთა მიმართ ძალადობის გამოძიების და რეაგირების საერთაშორისო სტანდარტი და რეგულაციები; სამოქალაქო და ადმინისტრაციული სამართლის ნორმები სოციალური მუშაკებისთვის რელევანტურ საკითხებზე; ევროპის საბჭოს სტამბულის კონვენცია, ადამიანის უფლებების ევროპული სასამართლოს გადაწყვეტილებები; არასრულწლოვანთა მართლმსაჯულების კოდექსი, განრიდება და მასში სოციალური მუშაკის როლი; ქმედუნარიანობის ინსტიტუტის რეფორმა და ახალი საკანონმდებლო სისტემა; მონაწილეებს, ასევე,  გაეცნოთ შშმ პირთა კონვენციის მოთხოვნების განხორციელებასთან დაკავშირებული საკითხები. ტრენინგზე განიხილეს შემთხვევები პრაქტიკიდან. ტრენინგი განხორცილდა გაეროს ბავშვთა ფონდის ფინანსური მხარდაჭერით.

 
მემორანდუმი ტაჯიკეთის პროფესიულ სოციალურ მუშაკთა ასოციაციასთან Print
08.05.2015 13:30
Share

2015 წლის 8 მაისს, სოციალურ მუშაკთა ასოციაციამ მემორანდუმს მოაწერა ხელი ტაჯიკეთის პროფესიულ სოციალურ მუშაკთა ასოციაციასთან. მემორანდუმი მნიშვნელოვანია  ორივე მხარის წარმომადგენლობისთვის, რათა მომავალში ტაჯიკეთის და საქართველოს სოციალურ მუშაკებს შორის მოხდეს  პროფესიული კავშირის ხელშეწყობა.

 
სოციალური მუშაობის პროფესიის გაძლიერება Print
30.04.2015 13:36
Share

საქართველოს სოციალურ მუშაკთა ასოციაციამ 30 აპრილს გამართა კონფერენცია „სოციალური მუშაობის პროფესიის გაძლიერება“,  რომელიც მიეძღვნა სოციალურ მუშაკთა ასოციაციის დაარსებიდან 10 წლისთავს. კონფერენცია გაიმართა ფონდ “ღია საზოგადოება-საქართველოს“   და  სოციალურ მუშაკთა ასოციაციების თანამშრომლობის სკანდინავიური კომიტეტის მხარდაჭერით. კონფერენციის  მიზანი იყო   სოციალურ მუშაკთა ასოციაციის წევრებს, უცხოელ კოლეგებს,  საქართველოს მთავრობის  წარმომადგენლებსა  და სამოქალაქო საზოგადოებას შორის თანამშრომლობისა და დიალოგის ხელშეწყობა სოციალური მუშაობის შემდგომი განვითარებისთვის.
ასოციაციისათვის   დიდი პატივი იყო  ემასპინძლა  სოციალურ მუშაკთა საერთაშორისო ფედერაციისათვის (IFSW), ასევე  წარმომადგენლებისათვის აზერბაიჯანის სოციალურ მუშაკთა (ASWPU) და სომხეთის სოციალურ მუშაკთა ასოციაციებიდან (AASW).
კონფერენციის გახსნითი საპატიო პანელი შედგებოდა უაღრესად პატივსაცემი და გავლენიანი პირებისაგან. მათ შორის იყვნენ შრომის, ჯანმრთელობისა და სოციალური უზრუნველყოფის  მინისტრის მოადგილე,  ფონდი „ღია საზოგადოება - საქართველოს“ აღმასრულებელი დირექტორი,  გაეროს მუდმივი კოორდინატორი,  IFSW-ის ევროპის რეგიონის პრეზიდენტი და  სხვა წარმომადგენლები.
კონფერენციის მსვლელობისას საქართველოს სოციალურ მუშაკთა ასოციაციამ  აღიარა და მადლობის სიგელი გადასცა სოციალური სამუშაოს პირველ 24 პრაქტიკოს სოციალურ მუშაკს, რომლებმაც  15 წლის წინ „ Everychild”-ის პროექტის ფარგლებში მუშაობა დაიწყეს ბავშვთა კეთილდღეობის სფეროში.
საქართველოში სოციალურმა მუშაობამ, როგორც  ახალმა დარგმა,  დიდ  წარმატებას მიაღწია სისტემათა დახვეწის თვალსაზრისით. თუმცა  პროფესიული თვითდამკვიდრების  გზაზე  კვლავ არაერთი მნიშვნელოვანი გამოწვევა  დგას. სწორედ  ეს  გამოწვევები გამოიკვეთა  კონფერენციის  დროს  და სოციალურ მუშაკთა  სტატუსისა და უფლებების დაცვის მიზნით  სოციალურ მუშაკთა  ასოციაციისა  და  საერთაშორისო ფედერაციის მიერ გადაიდგა  ადვოკატობის  ნაბიჯები.  სოციალურ მუშაკთა საერთაშორისო ფედერაციის  ევროპის  რეგიონის პრეზიდენტმა ღიად გააკეთა სოციალური მომსახურების სააგენტოს სოციალურ მუშაკთა  მხარდამჭერი განცხადება მათი სამუშაო პირობების გაუმჯობესების თაობაზე.
პლენარულ სხდომაზე საქართველოს, აზერბაიჯანის და სომხეთის სოციალურ მუშაკთა ასოციაციების  წარმომადგენლებმა დამსწრე   საზოგადოებას  წარუდგინეს   სოციალური სამუშაოს განვითარების  ძირითადი  ასპექტები.  გაფორმდა ურთიერთგაგების მემორანდუმები  ასოციაციებს შორის, რათა  გაძლიერდეს   სოციალური სამუშაოს განვითარება სამხრეთ კავკასიაში.
კონფერენციაზე  შემოთავაზებული იყო პარალელური სესიები სამ პრიორიტეტულ თემაზე:
1) საერთაშორისო სოციალური მუშაობა
2) არასრულწლოვანთა მართლმსაჯულება და ბავშვთა კეთილდღეობა
3) ჯანდაცვის, ფსიქიკური ჯანმრთელობა  და შეზღუდული შესაძლებლობები
მონაწილეებს  ჰქონდათ შესაძლებლობა მოესმინათ საერთაშორისო სოციალური მუშაობის, კერძოდ, შვედური,  თურქული, გერმანული, პორტუგალიური და აშშ-ს გამოცდილების შესახებ.
სესიები არასრულწლოვანთა მართლმსაჯულებისა და ბავშვთა კეთილდღეობის  შესახებ მოიცავდა უაღრესად საინტერესო და პროდუქტიულ დისკუსიას სახელმწიფო  პირების, საერთაშორისო  და  ადგილობრივი ექსპერტების, პოლიტიკოსებისა  და პრაქტიკოსების მონაწილეობით. ჯანდაცვის, ფსიქიკური  ჯანმრთელობისა   და შეზღუდული შესაძლებლობების მქონე პირთა  საკითხების სესია მოიცავდა   მაღალკვალიფიციურ პრეზენტაციებს ჰოსპიტალური ზრუნვის, ფსიქიკური ჯანმრთელობის, პალიატიური ზრუნვისა და შშმპ სფეროში სოციალური მუშაობის როლზე. ხაზი გაესვა ამ სფეროებში საქართველოში სოციალური მუშაობის განვითარების აუცილებლობას.
კონფერენციაში მონაწილეობა  მიიღო  ორასამდე ადამიანმა,    მათ  შორის  იყვნენ   პრაქტიკოსები, მთავრობისა და სამოქალაქო საზოგადოების წარმომადგენლები, რეგიონული სოციალური მუშაკები და სოციალური სამუშაოს   სტუდენტები. კონფერენციის წარმატებულობის საუკეთესო მაჩვენებელი იყო ის, რომ საკონფერენციო დარბაზები  დღის  ბოლომდე  სავსე  იყო მონაწილეებით. კონფერენციამ  უდავოდ შექმნა კიდევ ერთი შესაძლებლობა ნაყოფიერი დიალოგისათვის  სოციალური მუშაობის  როლის  გაძლიერების შესახებ   რეგიონალურ, ეროვნულ და ადგილობრივ დონეებზე.

 
ტრენინგი თემაზე “ძალადობის იურიდიული ასპექტები“ Print
28.04.2015 13:09
Share

22–24 აპრილს, სოციალურ მუშაკთა ასოციაციაში სოციალური მომსახურების სააგენტოს უფროს სოციალურ მუშაკებს ჩაუტარდათ ტრენინგი თემაზე: ძალადობის ბიო–ფსიქო–სოციალურ ასპექტები. 
ტრენინგის ფარგლებში განხილული იყო: ბიო-ფსიქო-სოციალური შეფასების ძირითადი ასპექტები, ძალადობის და ინტერვენციების ფორმები, სხვადასხვა სამიზნე ჯგუფებთან მუშაობა, მათ შორის, ქუჩაში მცხოვრებ და მომუშავე ბავშვთა ძირითადი პრობლემები, ძირითადი სტატისტიკა და თავისებურებები; 
ტრენინგ უძღვებოდნენ სოციალურ მუშაკთა ასოციაციის დირექტორი, ია შეყრილაძე და „ველდ ვიჟენ საქართველოს“, ბავშვთა დაცვის სერვისების და ადვოკატობის მენეჯერი, მაია მგელიაშვილი. ტრენინგზე მოხდა პრაქტიკული შემთხვევების განხილვა.
ტრენინგი განხორცილდა გაეროს ბავშვთა ფონდის ფინანსური მხარდაჭერით.

 
World Social Work Day! Print
17.03.2015 15:12
Share

 
<< Start < Prev 1 2 3 4 5 6 7 8 9 10 Next > End >>

Page 1 of 38
rogor_gavxvdeHow to become a student of  Social Work? Follow this link!
sferos_reformebiReforms in the field - Follow this link!
forumOur forum will be available very soon